Җәйге каникуллардан соң балаларның игътибарын куркынычсызлык кагыйдәләренә юнәлтү максатында төрле сыйныфтан тыш чаралар үткәрелә. 8 нче сыйныф укучылары юл йөрү кагыйдәләрен ныгыту, күнекмәләрне камилләштерү максатыннан тәрбия сәгатен ачык һавада үткәрде.

Бөтенроссия фән олимпиадаларының мәктәп туры башланды. Мәктәп турында биремнәрне уңышлы эшләгән укучылар муниципаль турда катнашачак.

1995 елдан 24 сентябрь профсоюз активисты көне буларак билгеләп үтелә.Шушы уңайдан Урта Курса төп гомуми белем мәктәбендә 7-8 класс укучылары өчен "Эш урыннарында хезмәтне саклау" темасына профсоюз дәресе үткәрелде. укучылар киләчәк тормышлары өчен мәгълүмат алдылар, сорауларга җаваплар таптылар.

Бүген укучылар белән "Куликово сугышы" темасына викторина уздырылды. Ерак чорга кайту, эзләнүләр аша аларның күзаллаулары, фикерләүләре баетылды.

Көзнең явымлы, салкынча көннәре башлану белән тын юллары авырулары, төчкерүче-йөткерүчеләр саны арта, грипп баш калкыта. Грипп социаль әһәмияте ягыннан йогышлы авырулар арасында беренче урында тора. Ә йогышлы авырулар төрле катлаулануларга, күңелсез хәлләргә китерергә мөмкин. Шуңа күрә дә соңгы елларда гриппка каршы вакцинация үткәрүгә зур игътибар бирелә. Вакцинаны теләгән һәркем ясата ала. Бүген мәктәп укучыларына да гриппка каршы вакцина ясалды.

Куркынычсызлык айлыгы кысаларында, мәктәптә “Нәрсә ул экстремизм?”, “Юллардагы куркынычсызлык” дигән темаларга класс сәгатьләре, әңгәмәләр үткәрелде. Укучыларга әлеге сүзләрнең мәгънәләре аңлатылды, куркыныч туганда үз -үзенне тоту кагыйдәләрен белергә, һәрвакыт сак һәм уяу булырга кирәклеге төшендерелде.

Сәламәт яшәү рәвешен пропагандалау максатыннан ел саен уздырылучы көзге кросста  укучылар теләп катнашты. 

Мәктәптә куркынычсызлык айлыгы дәвам итә. Юлларда сак һәм игътибарлы булу максатыннан һәр укучы киемнәрендә һәм сумкаларында яктылык кайтаргычларны булдырып бетерде.  

Бүген мәктәптә узган ата-аналар җыелышы  укучыларның куркынычсызлыгы темасын үз эченә алды. Мәктәп директоры Хәбибуллин Ф.М., участок уполномоченные Нургаянов Ш.Р. әти-әниләргә укучыларның юлда йөрүе, дәресләрдзн тыш вакыты, янгын куркынычсызлыгы, башка хәвеф-хәтәрләр турында аңлаешлы итеп чыгыш ясадылар. Фельдшер Нәбиева А.Ш. гриппка каршы профилактика чаралары, прививкалар турында сөйләде, сорауларга җаваплар бирде. Шулай ук туклану буенча фикерләр алышынды, яңа уку елына бурычлар куелды. Көн тәртибе буенча җыелыш классларда да үтте.