Мәктәбебездә “Туган телем сагында” акциясе дәвам итә. Бу акция кысаларында төрле чаралар үткәрелә, укучылар татар телебезнең матурлыгын, аһәңлеген тоярга өйрәнәләр. Шул уңайдан  күренекле язучы Вакыйф Нуриев белән очрашу кичәсе узды. Чарада язучының әсәреннән өзекне “Балкыш” түгәрәгенә йөрүче укучылар сәхнәләштереп күрсәттеләр. Шулай ук кичә моңлы җырлар, шигырьләр, үзенчәлекле биюләр белән үрелеп барды. Язучы укучыларны үзенең иҗаты белән таныштырды. Укучылар һәм укытучылар язучыга үзләрен кызыксындырган сорауларын бирделәр.