17 нче гыйнварда туган Татарстанның халык язучысы, Татарстанның Г. Тукай һәм РСФСРның М. Горький исемендәге Дәүләт бүләкләре иясе, Татарстанның, Россиянең атказанган сәнгать эшлеклесе Аяз Гыйләҗевнең иҗади мирасы  XX-XI гасыр татар әдәбиятының иң кыйммәтле хәзинәсе булып санала. Аның иҗаты  гаҗәеп киң кырлы.  Дистә еллар дәвамында тудырылган бай эчтәлекле, төрле жанрдагы әдәби иҗаты – «Өч аршын җир», «Җомга көн кич белән...», «Язгы кәрваннар», «Мәхәббәт һәм нәфрәт турында хикәят»,«Урамнар артында яшел болын», «Яра», «Йәгез, бер дога!» һ. б. әсәрләре – һәрберсе милләт, ил язмышына  битараф булмаган оста каләм иясе кулы  белән язылган әсәрләр. “Туган телем сагында” акциясе кысаларында 24 нче гыйнвар көнне мәктәбебездә танылган татар  язучысы Аяз Гыйләҗевның иҗаты һәм әсәрләре белән танышу уңаеннан сыйныф сәгатьләре үткәрелде. Укучылар шушы олуг шәхес турында фильм карадылар. Шулай ук балалар  Аяз Гыйләҗевның тормыш юлы һәм иҗаты белән дә кыскача таныштылар.