Әниләрнең газиз, кадерле кеше булуларын аңлату, аларга ихтирам, хөрмәт, ярату хисләре тәрбияләү максатыннан укучылар белән “Ана – бөек исем” дигән күргәзмә оештырылды. Укучылар технология дәресләрендә үз куллары белән әниләренә бүләкләр әзерләделәр. Тормышыбызга ямь бирүче иң шәфкатьле, иң мәрхәмәтле газиз кешеләребез – әниләр. Әнисе турында бер укучы язган иншада түбәндәге юллар бар: “Җир йөзендә әнидән дә якын, әнидән дә рәхимле, мәрхәмәтле һәм мәхәббәтле, олы җанлы зат юктыр ул. Дөньяның рәхәтен, тормышның михнәтен, күңелнең сафлыгын , намусның пакьлеген аңларга өйрәтүче, күкрәк сөте белән иман иңдерүче – син ул әнием !” Тормышларыгыз матур, йөзләрегез көләч булсын, сәламәтлек һәрдаим юлдашыгыз булсын. Кадерле әниләр! Сезне бәйрәмегез белән тәбрик итәбез. Сезгә озын гомер, бәхет, сәламәтлек телибез.