Дөнья әдәбияты тарихында иҗатлары белән исемнәрен мәңгелек данга күмгән шагыйрьләр бар. Ләкин шагыйрь һәм герой М.Җәлил кебек әсәрләре белән генә түгел, бәлки үлем белән дә исемен мәңгеләштергән шагыйрьләр бик аз. Милли каһарманыбыз Муса Җәлил һәм җәлилчеләр узган данлы юл - халкыбызның горурлыгы ул. Тамчыда кояш чагылгандай, анда милли яшәешебезнең тарихы да аеруча калку булып гәүдәләнә. Шуңа күрә, герой-шагыйрьнең һәм җәлилчеләрнең үлемсез иҗаты, тиңдәшсез героик көрәше безнең өчен бүген дә бик зур әһәмияткә ия. 15нче февраль көнне Сеҗе төп гомуми белем мәктәбендә шагыйрьнең туган көне уңаеннан  "Гомерем минем моңлы бер җыр иде, үлемем дә яңгырар җыр булып" дип исемләнгән класс сәгате уздырылды.  7 нче сыйныф укучылары шагыйрьнең тормыш һәм иҗат юлы белән таныштылар, тирән эчтәлекле шигырьләрен тыңладылар, презентацияләр карадылар, шулай ук викторина сорауларына җаваплар бирделәр.