2021 ел-Туган телләр һәм халыклар бердәмлеге елы уңаеннан укучыларда милли кием тарихына хөрмәт тәрбияләү, ерак гасырлардан   килгән гореф-гадәтләребезгә изге караш булдыру, әхлак  тәрбиясе бирү  максатыннан 3нче сыйныф укучылары белән“Татар милли баш киеме-түбәтәй”дип исемләнгән проект эше эшләнде.   Түбәтәйнең тарихы, формалары, төрләре, бизәлеш үзнечәлекләре   һәм татар милли орнаментлары белән танышу-эзләнүләрдән соң,укучылар үз куллары  белән ясаган түбәтәйне бизәделәр.

     Бу баш киеме хәзерге вакытта да үзенең актуальлелеген югалтмаган. Шуның өчен дә түбәтәйнең бизәлеше бер урында гына тормый, заманага яраклаша, үзгәрә бара.    Бүгенге көндә татар халкының баш киемнәре, чигелеше белән яшьләр дә кызыксына башлады.     Милләтебез дәвамлы һәм озын гомерле булсын өчен без туган телебездә сөйләшергә, гореф-гадәтләребезне, милли традицияләребезне үтәп яшәргә тиеш.