Халык авыз иҗатының бетмәс-төкәнмәс хәзинә булуы берәүгә дә яңалык түгел. Бу җәүһәрләр - әхлак чишмәсе дә, белем чыганагы да. Үзенең авыз иҗаты әсәрләре аша халык элек-электән үк кешеләрдә, бигрәк тә яшь буында, туган җиргә, Ватанга мәхәббәт һәм бирелгәнлек, ата-анага, өлкәннәргә хөрмәт-итагать, хезмәт сөю, һөнәргә, белемгә омтылу, батырлык, гаделлек, сабырлык, тыйнаклык, юмартлык, пөхтәлек кебек күркем сыйфатлар тәрбияләп килгән. 23 нче сентябрь көнне 7  нче сыйныфта “Халык авыз иҗаты. Мәкальләр, бишек җырлары “ дигән темага тәрбия сәгате үтте. Дәрестә 9 укучы катнашты. Дәрестә укучылар “Нәрсә соң ул халык авыз иҗаты, бишек җырлары?“ дигән сорауга җавап таптылар. Халык авыз иҗатының жанрлары, аларның эчтәлеге белән якыннан таныштылар.Төрле уеннар башкардылар. Бишек җырларын җырлап карадылар. Дәреснең максаты: халык авыз иҗатының бай тарихы белән таныштыру, укучыларның рухи дөньясын баету, аларга әхлакый һәм эстетик тәрбия бирү .