Һәр милләтнең халык авыз иҗаты бик бай һәм сокланырлык матур. Табышмаклар, мәзәкләр, тизәйткечләр, мәкальләр,әкиятләр,җырлы-биюле уеннар- бик борынгыдан килгән кыйммәтле милли хәзинә. Шул бай мирасны хәзерге буынга җиткерү- безнең бурыч. Мәктәбебездә озынайтылган көн группасында укучылар “Уйный- уйный үсәбез” дип исемләнгән чара кысаларында халкыбызның милли фольклоры, җырлы- биюле уеннары белән танышалар: “Ал кирәк, гөл кирәк”, “Наза”, “Кәрия- Зәкәрия”, “Ак калач”, “Түбәтәй”... Балалар бу уеннарны зур кызыксыну белән уйныйлар.