Авылларыбызда Бөек Ватан сугышында һәлак булган якташларыбызга куелган һәйкәл янында, Бөек Җиңү бәйрәме уңаеннан тантаналы митинг булды. Анда муниципаль районыбыз депутаты, "Ак Барс агро" оешмасы директоры Шәйдулла Салахов, Сеҗе авыл  җирлеге башлыгы Рөстәм Хәмидуллин, Сеҗе мәктәбе директоры Марс Абдуллин тәбрикләү сүзләре белән чыгыш ясадылар. Укучылар, сугыш һәм тыл ветераннарына рәхмәтләрен юллап, күккә шарлар очырдылар. Ахырдан һәйкәлләргә веноклар һәм чәчәкләр салынды. 

Бөек Җиңү бәйрәме – ата-бабаларыбызның, бабаларыбызның батырлыгына хөрмәтебезне белдерү көне. Әлеге афәт беркемне дә кызганмады, һәр йортның ишеген шакыды, якын кешеләре, туганнары белән мәңгелеккә аерды. Без әби-бабаларыбызның, әти-әниләребезнең батырлыкларын,  бүгенге аяз күк йөзенең, матур, якты тормышның нинди югалтулар бәрабәренә яулануын онытырга тиеш түгелбез,