Туган тел айлыгы кысалаларында  Габдулла Тукайның  шигырьләрен сәнгатьле сөйләү буенча бәйге булып узды. Мәктәбебезнең  барлык укучылары да бу бәйгедә актив катнаштылар. Чараның максаты - Габдулла Тукай иҗатын һәм аңа бәйләп хәзерге заман әдипләребезнең иҗатын тирәнтен өйрәнү, халкыбыз тарихы, мәдәнияте, милли үзенчәлекләре белән кызыксындыру, шул ук вакытта сәнгатьле уку, сөйләү күнекмәләрен үстерү, татар шигьриятенә, туган телебезгә мәхәббәт уяту, китап укучыларда әдәби иҗатка омтылыш тәрбияләү. Гомумән, чыгыш ясаучыларның барысы да бәйгегә бик ныклап, чын күңелдән әзерләнеп килгән. Габдулла Тукай шигырьләрен беләләр, яраталар безнекеләр. Димәк, ул һаман исән, һаман яшь.