Патриот шагыйрь Советлар Союзы Герое, Ленин премиясе лауреаты - Муса Жәлилнең тууына 115 ел тулу  уңаеннан  2021 нче елның январь-февраль айларында  Балтач муниципаль районы Бакый Зыятдинов исемендәге Карадуган гимназиясе җирлегендә республикакүләм фәнни-гамәли конференция үтте.  Эшләр “Бөек Ватан сугышы елларында авылым мөгаллиме”, “Бөек Ватан сугышы тарихында Татарстанның очучы хатын-кызлары батырлыгы”, “Әдәби әсәрләрдә М.Җәлилгә тиң батырлыклар күрсәткән геройлар язмышы”, “Герой-шагыйрь Муса Җәлил шигырьләрен сәнгатьле сөйләү бәйгесе” секцияләре    кысаларында каралды. Җиңүчеләр арасында мәктәбебез укучылары да бар. 9нчы сыйныф укучысы Алинә Абдуллина (эшнең җитәкчесе Абдуллин М.М.), 6нчы сыйныф укучысы Гөлназ Нәбиуллина (эшнең җитәкчесе Җәләлиева Г.И.)  Мәгариф һәм фән министрлыгының дипломнары белән бүләкләнделәр, 4нче сыйныф укучысы Гөлназ Гаптельбарова катнашучы сертификатына ия булды (эшнең җитәкчесе Загафарова Г.Ф.). Җиңүчеләрне тәбриклибез һәм киләчәктә дә зур уңышлар телибез!