Сеҗе төп мәктәбе филиалы - Ташкич башлангыч мәктәбе укучылары “Хәрби-патриотик тәрбия“ айлыгы кысаларында Ташкич авылында гомер итүче тыл ветераны Шиһабиева Рәйсә  Хуҗиәхмәт кызы белән очраштылар. Рәйсә апа балаларны җылы каршылады. Гомумән, ул аларны һәрвакыт сөенеп кабул итә. Ветеран үзенең балачагы турында сөйләде. Укучыларның сорауларына җавап бирде. Үзе дә балаларның укуы, мәктәп тормышы белән кызыксынды. Очрашу җанлы, кызыклы барды. Укучылар “Тылсымлы остаханә” түгәрәгендә ясаган матур чәчкәләр бүләк иттеләр. Очрашу ахырында хөрмәтле ветераныбызга рәхмәт әйтеп, сәламәтлек, тыныч , матур картлык теләп саубуллаштык, тагын килергә вәгъдә бирдек.