Бүген 5 нче сыйныф укучылары белән “Арча районында туган язучылар” дип исемләнгән  сыйныф сәгате үткәрелде. Сыйныф сәгатенең максаты якташларыбыз белән танышып алар  язган әсәрләр  аркылы әдәбиятка һәм туган ягыбызга мәхәббәт уяту, Арчабызның лаеклы уллары, кызлары итеп тәрбияләү.Укучылар “Без бит – Арча яклары” дигән өч томдагы җыентыклары белән таныштылар. Һәр җыентык Габдулла Тукай иҗаты белән башланып китә. Аны Гариф Ахунов, Гомәр Бәширов, Мөхәммәт Мәһдиев, Мостафа Ногман, Рафаил Төхвәтуллин һәм башкалар кебек даннары еракларга таралган язучылар, бүгенге көндә районда яшәп иҗат итүче танылып килүче каләм ияләренең әсәрләре дәвам итә. Укучылар язучыларыбыз турында видеофильм карадылар һәм әсәрләрен укыдылар.