3 нче февраль көнне Сеҗе төп мәктәбендә Татарстан, РФ Язучылар берлекләре әгъзасы, Татарстанның атказанган мәдәният хезмәткәре, Муса Җәлил исемендәге премия лауреаты, шагыйрь, галим, мөгаллим, публицист Хәнәфи Бәдигыйның тууына 80 ел тулу уңаеннан «Туган як тургае» исеме астында искә алу кичәсе булды.

      Кичәдә шагыйрьнең туганнары, укучылар, мөгаллимнәр, мәдәният хезмәткәрләре, китапханәче,  районыбыз мәктәбе укытучылары  катнашты.   Туганнары, Хәнәфи Бәдигый рухына дога кылып,  күпсанлы истәлекләре белән уртаклаштылар. Кичәдә шагыйрьнең шигырьләре, җырлары башкарылды, күпкырлы эшчәнлеге турында  мәгълүматлар җиткерелде.

    Хәнәфи Бәдигыйның туганнан туган сеңлесе Альмира Зәйнуллина укучыларга теләкләрен җиткерде, китапларын бүләк итте. Очрашу бик эчтәлекле, җанлы һәм күңелле үтте.