Мәктәптә спорт түгәрәкләре: сәламәтлек, тәрбия һәм киләчәккә юллама

        Мәктәп — ул фәннәрне үзләштерү урыны гына түгел, ә бала шәхесен формалаштыручы тулы бер дөнья. Укучының көн тәртибендә дәресләр, өй эшләре һәм имтиханнарга әзерлек күп урын алып торса да, спорт түгәрәкләре аның тормышында аерым һәм мөһим урын били. Бу — вакытны бушка уздыру түгел, ә киләчәккә сәламәт булып яшәү очен нигез булып тора. Күп вакытын өстәл артында, дәфтәр һәм смартфоннар белән үткәргән бүгенге буын өчен хәрәкәт аеруча кирәк. Спорт түгәрәкләре:                                                                                            -сәламәтлекне ныгыта: йөрәк-кан тамырлары, сулыш һәм ашкайнату системалары эшчәнлеген яхшырта. Укучыларның бил һәм күз авырулары  спорт ярдәмендә кисәтелә.                                                                                                             -сыеклык алмашуны көйли: көндәлек физик активлык артык авырлыктан саклый һәм матдәләр алмашынуын тизәйтә.                                                                                                                  -иммунитетны күтәрә: даими физик күнегүләр организмның авыруларга каршы торучанлыгын арттыра.                                                                                                                                         -тыныч йокыны тәэмин итә: физик ару баланың сыйфатлы ял итүенә һәм дәрестә игътибарлы булуына ярдәм итә.