Мәктәптә сайлау урыны булганлыктан, укучыларыбыз бүген музейларга сәяхәт кылдылар. Гөберчәк авылы укучылары һәм укытучылары Мөхәммәт Мәһдиев музеена килделәр, Сикертән авылының балалары һәм укытучылары Г. Камал музеенда булдылар. Ике музейда да сәяхәт укучылар өчен танып-белү ягыннан бик бай һәм тәэсирле булды. Балалар үз фикерләре белән уртаклаштылар, күргәннәре турында сөйләделәр, киләчәктә тагын мондый чараларда катнашырга теләк белдерделәр. Бу көн укучыларыбызның рухи дөньясын баетты, туган якка мәхәббәт тәрбияләде, әдәбиятка кызыксыну уятты.