Тылсымлы һәм искиткеч бәйрәм – Яңа ел, бүләкләр һәм матур теләкләр вакыты якынлаша. Без барыбыз да Яңа ел алдыннан могҗиза көтәбез , чөнки һәр олы кешедә балалык сыйфатлары саклана. Бөтен кеше бу матур бәйрәмне түземсезлек белән көтә һәм әзерләнә: өйләр, мәктәпләр, балалар бакчалары, тирә-юнь бизәлә. Бездә дә укытучылар һәм укучылар тырышлыгы белән мәктәп эчен бизәү башкарыла. Быел бу эшкә өлкән сыйныф укучылары да бик теләп катнашалар. Алар тәрәзәләргә матур бизәкләр төшерәләр, чыршы бизиләр. Бу сихри бизәлешне куреп, күңел күтәрелә.