Бүген мәктәбебездә ата-аналар җыелышы булып узды. Әлеге җыелышта Россия Эчке эшләр министрлыгының Арча районы балигъ булмаганнар белән эшләү бүлеге өлкән инспекторы Хидиятуллина Алсу Айдар кызы һәм Арча районы юл хәрәкәте иминлеге буенча профилактика бүлеге җитәкчесе Мөхәммәтҗанова Энҗе Газиз кызы катнаштылар. Алар административ тәртип бозулар, вандализм, экстремизмның киң таралуы, аварияләрне булдырмый калуда куркынычсызлык кагыйдәләрен төгәл үтәргә кирәклеге, яктырткыч кайтаручы элементларны булдыру, питбайклар, мопед, скутерларның куркыныч фаҗигаләргә китерергә мөмкин булуы турында эчтәлекле чыгыш ясадылар.