«Туган телем сагында» акциясе кысаларында укучылар якташ язучыбыз Мөхәммәт Мәһдиевнең иҗатын тирәнтен өйрәнәләр. Шундый әсәрләрнең берсе - күптән язылып та, үз кыйммәтен югалтмаган “Кеше китә-җыры кала” исемле повесть. Ул киң колачлы вакыйгаларны, драматик эпизодларны үз эченә алган, олы һәм катлаулы язмышлы характерларга, кызыклы образларга бай булган, гаҗәеп дәрәҗәдә халыкчан рухлы, олы хисле, зур яңгырашлы әсәр. Хәзерге вакытта җирлегебездә Татарстанның халык язучысы, филология һәм әдәбият галиме Мөхәммәт Мәһдиевнең “Кеше китә – җыры кала” әсәренә нигезләнгән сериал төшерелә. Укучыларыбыз да бу эштә бик теләп катнашалар. Әлеге сериалда төшү укучыларыбызда туган телгә карата мәхәббәт уята, иҗади сәләтне үстерә.