Г.Камал исемендәге Сикертән төп мәктәбендә инде шактый еллар туризм түгәрәге эшләп килә. Туристларыбыз кыш көне чаңгы сукмакларында, җәен урман-болын, инеш буйларында еш сәяхәт итәләр, слетларда катнашалар. Мәктәп спортзалында кыяга менү җайланмалары, арканнар, төрле каршылыклар беркетелгән. Укучылар түгәрәккә бик теләп йөриләр. Тренерлары Нәбиуллин Разил Расип улы районда иң тәҗрибәлеләрдән санала. Туризм – балаларны җитезлеккә, гадәти булмаган хәлләрдән югалтусыз чыгарга, мөстәкыйль тормышка өйрәтүче кирәкле юнәлеш.
Спорт туризмы – киләчәгебез. Ул сәламәт җәмгыять һәм булачак һөнәре турында төпле фикер йөртүче яшьләребезнең саны күбрәк булсын өчен бик мөһим.