Туган телем сагында

 "Тел - халыкның акылын, гореф-гадәтен,

 дөньяга карашын, фәлсәфәсен, тарихын, 

 кыскасы, бөтен күңел байлыгын мең еллар 

буена үзенә сеңдереп килеп, безнең 

заманнарга җиткергән чиксез кадерле хәзинә." 

                                                 Гомәр Бәширов.  

Арча районы мәгариф идарәсе еллык план нигезендә барлык белем бирү оешмаларына һәм балалар бакчаларына "Туган телем сагында" исемле акциядә катнашырга тәкъдим итә. Безнең туган телебез- татар теле. Без, Тукай якташлары, телебезнең тирән, кодрәтле, серле дөньясының нәкъ үзәгендә кайнап, аның байлыгына, матурлыгына, фикри тирәнлегенә, аһәңлелегенә сокланып һәм горурланып яшибез. Кагыйдәләр буенча, һәр айның бер атнасын "Туган тел атналыгы" итеп үткәрү күздә тотыла. Бүген 1-4 нче сыйныфлар өчен “Туган телем – иркә гөлем”, дип исемләнгән сыйныф сәгате үткәрелде. Укучыларны туган телебезнең халык белән, аның тарихы белән аерылгысыз икәнен ачыклап, каләм осталарының телебез турындагы фикерләре белән, матур-матур әдәби әсәрләр белән таныштырдык. Бераз тапкырлыкта, зирәклектә дә ярышып алдык.