Безнең тагын бер язгы бәйрәмебез бар. 12 апрель Космонавтика көнен билгеләп үтәбез. 1961 елның 12 апрелендә бөтендөньяны шаккатырган вакыйга була. Бу көнне совет космонавты Юрий Алексеевич Гагарин «Восток» орбиталь космик кораблендә Җир шарын әйләнеп чыга. Бу бер әйләнешкә 108 минут сарыф ителә.

 Тышта яз иде                          Юрий Гагарин           Ул, галәм гизеп

Күкләр зәп-зәңгәр                  Исеме аның                Исән-сау төште

Таралды кинәт                        Ул хәбәр итә              Ни бар соң җирдә  

Шатлыклы хәбәр.                   Биектән барын.         Кешедән көчле!

Кеше галәмдә!                        Таулар,елгалар,

Бу нинди яхшы                       Шәһәрләр күркәм:

Димәк, ул  аның                    Дала һәм кырлар

Ишеген ачты.                         Ямь-яшел үлән.

 Беренче  космонавт булып батыр, кыю, тәвәкәл кеше генә була ала иде. Гагарин нәкъ шундый кеше булды. Аның характерындагы шундый сыйфатлар гына зур бурычны каушамыйча башкарып чыгарга мөмкинлек бирде. 1961 елның 14 апрелендә СССР Югары Советы Президиумы указы нигезендә Ю.А.Гагаринга Советлар Союзы Герое исеме бирелә, күкрәгенә Ленин ордены һәм «Алтын Йолдыз» медале тагыла. Шулай ук «Очучы-космонавт» исеме лаек була. 1962 елның 9 апрелендә СССР Югары Советы Президиумы  указы нигезендә Космонавтика көне булдырыла. Ә 1968 елдан ул дөньякүләм  бәйрәмгә әверелә.  Бенең мәктәп укучылары бәйрәм көне уңаеннан рәсем конкурсында, тәрбия сәгатьләрендә актив катнаштылар.