9 сыйныф укучылары өчен имтиханга әзерләнергә иң кулай вакыт- каникуллар. Бу ялларда алар математика һәм рус теле фәннәреннән консультацияләрдә шөгыльләнәләр. Бүген алар математик биремнәр чишү белән мәшгүль.

         Мы хотим поздравить Вас с наступающим Новым годом! Пусть он принесет благополучие и уверенность в завтрашнем дне, новые знакомства и счастливые события! Пусть радует каждым своим часом и минуткой, преумножая все хорошее! Желаем войти в этот новый год с чудесным позитивным настроением, чистыми помыслами, с убежденностью в свои силы! Пусть всё, что намечено обязательно осуществится! И появятся новые мысли и идеи! Близкие, родные, друзья всегда будут поддержкой. И все плохое останется в прошлом!

    Бүген мәктәбебездә  "Мәктәп эшчәнлегенең беренче яртыеллык нәтиҗәләре" темасы астында педагогик киңәшмә узды. Киңәшмәдә 3 көн тәртибе каралды. 1 нче көн тәртибендә уку - укыту эшләре буенча директор урынбасары Г.Ф.Шәмсемөхәмәтова 2 нче чиреккә нәтиҗә ясады, 2 нче көн тәртибендә рус теле укытучысы Л.Г.Кәримова "ТДИ" әзерләүдә эш тәҗрибәсе белән уртаклашты, 3 нче көн тәртибендә исә һәрбер укытучы үзенең беренче яртыеллыкта башкарган эшләре белән таныштырды. Педагогик киңәшмә бик эшлекле үтте.

    Бүген 2,3,4 нче класслар өчен районда рус теле фәненнән олимпиада уздырылды.  2 нче класс укучысы Шәмсемөхәмәтова Илүзә, 3нче класс укучысы Сабирова Зилә үз көчләрен сынап карадылар. Призлы урынга ия булмасалар да, аларга бу олимпиадада катнашу киләчәк өчен дәрес булды.

    Бүген Гөберчәк авылы клубында балалар өчен Чыршы бәйрәме уздырылды. Аны клуб мөдире Халидә Мөхәммәтнуровна оештырды. Мәктәп балалары бу бәйрәмдә дә актив катнаштылар. Гөберчәк авылы өлкәннәре бик канәгать калып, олы рәхмәтләрен җиткерделәр.

        26 нчы декабрь көнне мәктәбебездә укучыларыбыз тарафыннан әзерләнгән Яңа ел тамашасы булып үтте. Тамашага әти – әниләр, әбиләр, абыйлар, апайлар килгән иде. Бәйрәм бик күңелле үтте. Һәр класс узенчәлекле костюмнар һәм чыгышлар әзерләделәр, бик матур концерт номерлары да тәкъдим иттеләр. Яңа ел бәйрәме һәркем күңелендә кызыклы тамашалары белән истә калды. Соңыннан һәр балага бүләкләр тапшырылды. Алар исеменә мәктәп директоры тарафыннан җылы сүзләр әйтелде.

Кунакка килгән зур чыршы,
Яңа елны матурлап.
Кызлар уйнап йөри анда,
Малайлар күп, батырлар.

Кызлар, малайлар уйнарга
Җыелганнар кай-ара,
Чыршыны тирәләп утлар
Җемелдәшеп шаяра.

Яшел ылыслар артында
Әкият качып тора,
Эчендәге бар серләрне
Ачарга кызыктыра.

Чыршы тулы уенчыклар,
Ә башында йолдыз бар.
Куяннар, тиеннәр күпләр,
Шаян алар, елгырлар.

Күзләрдә бәхет елмая,
Ә шатлыкка чама юк.
Без биибез һәм җырлыйбыз,
Бездә бүген Яңа ел!

Кыш бабай белән Кар кызы

Бәхетләр безгә теләп.

Китереп бирделәр менә,

Профсоюздан зур бүләк.

Әй сөенде балалар да,

Өлкәннәр дә сөенде.

Киләсе Яңа елны да,

Күрергә язсын диеп.

    Районыбызда укучылар арасында ярышлар үткәрелеп тора. Мәктәбебез командасы һәрберсендә катнашып килә. 20 нче декабрь көнне "Ак Барс комплексы" беренчелегенә үткәрелгән баскетбол ярышында укучыларыбыз мактаулы 3 нче урын алдылар. Аларны бу уңышлары белән котлыйбыз. 

     Үз профессиясенә тугры булып, 40 ел мәктәптә укытып, бүгенге көндә лаеклы ялда булган ветеран укытучыбыз, “Россия Федерациясенең мәгариф отличнигы” күкрәк билгесе иясе, озак еллар Чөмә-Елга башлангыч мәктәбендә эшләгән хөрмәтле укытучыбыз Динмөхәмәтова Наилә Имами кызы бүген мәктәбебез кунагы. Ул башлангыч класс укучылары белән тәрбияви әһәмияткә ия “Җиңү килде җирне нурга күмеп” дигән тәрбия сәгате үткәрде.