Бүген 7нче сыйныф укучыларының әти-әниләре инглиз теле дәресендә кунак булдылар. Сыйныф җитәкчесе Камалетдинова Р.М сингапур меодикасын кулланып "Спорт" темасына ачык дәрес күрсәтте. Ата-аналар балаларының дәрестә ничек катнашуларын, сингапур методикасының нинди булуын  күреп киттеләр.

Татар теле һәм тарих атналыгы кысаларында ,бүген, 8 сыйныфта "Батырлыкны син ничек аңлыйсың?" исеме астында тәрбия сәгате үтте. Укучылар районыбызның Советлар Союзы геройлары, сугыш һәм тыл  ветераннары турында сөйләштеләр.

18 нче апрельдә, мәктәптә, Башкортстаннан мәдәният отличнигы, баянчы Ф.Шәрифянов һәм фокус остасы Мостай "Сим-салябим ахалай-махалай " күңел ачу программасы белән чыгыш ясады. Кичә бик  күңелле узды.

Бүген 7нче сыйныфлар тәрбия сәгатендә  "Җыйдырдогышлар", ягъни коллекцияләр турында сөйләштеләр. Алар коллекция төрләре, аларның исемнәре, коллекцияләр турында кызыклы фактларны белделәр.

17нче апрель көнне 9нчы һәм 11нче сыйныф укучыларының ата-аналары өчен җыелыш уздырылды. Җыелыш БДИ һәм ДЙАнә багышланган иде. Район мәгариф бүлеге БДИ координаторы Гатауллина Лилия Мәхмүтовна ата-аналарга экзаменга кертү, аның үтү тәртибе турында сөйләде, аларның сорауларына җавап бирде.

Бүген мәктәбебездә сугыш ветераны Хәбир абый белән очрашу булды. Ветеран үзенең хатирәләре белән уртаклашты, укучыларга һәм укытучыларга үзенең теләкләрен җиткерде.

Татар теле һәм тарих атналыгы кысаларында, 4 нче сыйныф укучылары( Сыйныф җитәкчеләре Касимова Г.К.) Г.Рәхимнең "Кәҗә белән Сарык" әкиятен сәхнәләштерделәр. Укучылар үзләрен чын артистлар итеп күрсәттеләр, Афәрин!

Татар теле һәм тарих атналыгы кысаларында, укытучы Гобәйдуллина Э.А. тарафыннан , 5-6 класслар арасында "Тамчы шоу"  бәйгесе булып узды.Укучылар үзләренең белемнәрен төрле яктан сынадылар.

Татар теле һәм тарих атналыгы кысаларында, 8нче сыйныфта, татар теленнән, "Кушма җөмлә төрләре" темасы буенча  ачык дәрес булды. Дәрестә сингапур методикасы кулланылды. Укытучылар арасында тәҗрибә уртаклашу дәвам итә.