23 февраль – туган  илне  яклап  көрәшкән  ветераннарны  искә алу,  геройлар батырлыгын данлау,  хәрби хезмәттә  булып кайткан  һәм  бүгенге көндә  армия сафларында хезмәт итүче  ир-егетләрне олылау,  хөрмәтләү  көне.  Шулай ук,  үсмерләр   һәм кечкенә  малайлар өчен дә  бәйрәм бу көн, чөнки  киләчәктә  Ватаныбызны алар саклаячак.  Моның өчен,  алар чын  патриотлар  булып үсәргә тиеш. Ә патриотизм ул  – туган йортыңа, җиреңә, телеңә  мәхәббәт, илеңнең тарихы, героик үткәне   һәм   бүгенгесе  белән  горурлану.
Бүгенге бәйрәм көчле рухлылык, ир-егетлəрнең кыюлык, намус һəм абруй шикелле сыйфатларга ия булуларын тагын бер кат раслый торган тантана. Туган илгә һəм үз халкыңа хезмəт итү ул, туган илен чын күңелдән сөюче гражданнарның һәрчак иң югары максаты булды һəм шулай ук булып калса иде.
Хəрби хезмəткəрлəрнең бүгенге көндәге буыны һəм Ватанны саклаучылар сафын тулыландырырга əзерлəнүчелəр, илебезнең иминлеге, туганнары һəм якыннарының гомере өчен җаваплылык хисен онытмасыннар иде.
Сезгә һәм якыннарыгызга тыныч күк йөзе, ныклы сәламәтлек, бәхет-шатлык, рухи һәм матди байлык, һәр эшегездә бары тик уңышлар гына телибез.
Мөбәрак булсын бүгенге матур бәйрәмегез!!!

Ихтирам белән, Арча 6нчы номерлы урта мәктәбе директоры Д.Ф. Мостафин