Бүген,  21 нчы апрель көнендә ТР Арча муниципаль районы “Арча 6 нчы урта гомуми белем мәктәбе” муниципаль бюджет гомуми белем учреждениесендә “Без – Туган тел"дән туганнар, без Тукай якташлары” шигырь укучылар бәйгесе узды. Конкурс укучыларны татар шигъриятенә һәм иҗатка тарту, татар халкының мәдәнияте һәм милли үзенчәлекләре белән кызыксындыру, Г.Тукайның тормыш юлы һәм иҗаты мисалында милли үзаң тәрбияләү максатыннан уздырылды. Бәйгедә гомуми белем учреждениеләренең 1 –11 нче сыйныф укучылары һәм укытучылар 4 төркемгә бүленеп катнашты. Әлеге бәйгенең башка еллардагы чаралардан аерылып торган үзенчәлеге шунда: Г.Тукай шигырьләре рус телендә дә яңгырады. Шигырьләрнең яңгырашы, аһәңе дә әһәмияткә лаек иде. Конкурста җиңүчеләргә 1, 2, 3 нче дәрәҗә дипломнар,истәлекле бүләкләр, Г.Тукай китаплары тапшырылды. “Без – Туган тел"дән туганнар, без Тукай якташлары " шигырь укучылар бәйгесе бик күңелле үтте, барлык катнашучылар күңелендә якты хатирәләр калдырды.