Татар теленнән дөньякүләм белем тикшерү “Татарча диктант” акциясе “2014-2020 нче елларда Татарстан Республикасы дәүләт телләре һәм Татарстан Республикасындагы башка телләрне саклау, өйрәнү һәм үстерү”, “Татар халкының милли үзенчәлеген саклау (2020-2023 еллар)” дәүләт программаларын гамәлгә ашыру кысаларында уздырыла. Аның максаты – татар теленә кызыксынуны арттыру, әдәби телдә дөрес сөйләм һәм дөрес язу күнекмәләрен үстерү, орфографик һәм грамматик хаталар ясамыйча язу теләге уяту, татар теле белгечләрен һәм туган тел (татар теле) укытучыларын тагын да популярлаштыру.
Бүген әлеге акциядә Арча муниципаль районының 6 нчы урта гомуми белем мәктәбе укучылары, укытучылары, техник хезмәткәрләре һәм әти-әниләр актив катнашты.