Шәһәрнең көнбатышында урнашкан Арча 6 нчы урта гомуми белем мәктәбе дүртенче уку елына аяк басты. Казан арты милли мәгариф белем үзәгенең яңа уку елы да зур уңышлар белән башланып китте.
2019-2020 нче уку елында мәктәбебезнең ике укытучысы – тәҗрибәле рус теле һәм әдәбияты укытучысы Гаптелбәрова Диләрә Мәгъсумовна һәм башлангыч сыйныфлар укытучысы Сабирова Диана Марселевна, “Ел укытучысы” конкурсының зона этабын уңышлы үтеп, республика этабында катнашуга чакыру алдылар. Сәләтле хезмәттәшләребез республика этабында да уңышлы чыгыш ясадылар.
Сабирова Диана Марселевна, 2019 нчы елда Г. Тукай исемендәге Арча педагогия көллиятен тәмамлап, безнең мәктәптә эш тәҗрибәсен башлап җибәрде. “Ел укытучысы” конкурсының район этабында “Педагогик дебют” номинациясендә 1 нче урынга лаек булды. Казан шәһәрендә узган республика этабында “Эссе”, “Укытучының шәхси сайты”, “Дәрес”, “Мастер-класс” конкурс биремнәрен үткәннән соң, Татарстан Республикасының иң яхшы яшь укытучылары унлыгына керде һәм “Педагогиканың киләчәге” номинациясендә җиңүче булды.
Зур уңышларга ирешкән укытучыларыбызны котлыйбыз. Аларга киләчәктә дә яңа җиңүләр, һөнәри үсешләр телибез.