14 февраль көнне татар халкының бөек улы, герой шагыйрь Муса Җәлилнең тууына 114 ел тулу уңаеннан,аның иҗатына күзәтү ясау максатыннан, китапханәче Шаһимуллина Р.Р белән берлектә мәктәбебезнең 1 нче сыйныф укучылары өчен "Муса Җәлил эзләре буйлап" дип исемләнгән әдәби-музыкаль сәгать үткәрелде.Презентация ярдәмендә балаларга кырыс фронт еллары, шагыйрьнең фашист концлагерында үткәрелгән куркыныч тормышы турында сөйләнелде. Авыр, михнәтле юллар үтсә дә, аның бирешмәве,соңгы сулышына кадәр Ватан, ил өчен көрәшүе ассызыкланды.Шулай ук М.Җәлилнең "Ана бәйрәме" әсәре буенча төшерелгән мультипликацион фильм тәкъдим ителде.Соңыннан укучыларыбыз шагыйрьнең күргәзмәгә куелган китаплары белән таныштылар,әсәрләре буенча тупланган иллюстрацияләренә күзәтү ясадылар.