Республикада берничә ел элек әлеге проект буенча эш башланып китте. Проект  ата- аналар комитетларының мәктәп белән үзара хезмәттәшлеге барышындагы кайбер нәтиҗәләрен республикада тәҗрибә буларак тарату максатын куя . “Ата- аналар комитеты эшчәнлеге кайсы мәктәпнеке  уңай бәяләнер?”- конкурстан көтелгән нәтиҗә дә әнә шул ягы белән кызыклы. 

   Мәктәптә үз тәҗрибәсе белән  иң тату, дус  класс дип саналган  9 нчы А сыйныфы  укучылары, сыйныф җитәкчеләре Хөсәенова Наҗия Гаптелфәртовна  һәм ата-аналары район күләмендә иң яхшы команда буларак  бәяләнделәр. Республика зона ярышында катнашу өчен  көчле хәзерлек башланды . Ата-аналардан күп сабырлык, яңа идеяләр таләп ителә. Зона ярышында катнашасы Әтнә, Балтач, Кукмара, Саба районы командалары арасында сынатырга да ярамый бит! Ә алар моның шулай икәнен алдан ук уйлап эш иттеләр. 

   Алда тагын да катлаулы сынау көтә  Арчаның 6 нчы номерлы урта мәктәбе, район данын яклап,  әлеге конкурсның республика этабында да  үз эш тәҗрибәсе белән уртаклашырга тиеш. 9 нчы А сыйныфының ата- аналарына бары тик зур уңышлар гына телибез. Җиңүгә өметләник!  Без булдырабыз! Без бергә!