Бүген, 16 нчы март көнне, “Һөнәр сайлау” айлыгы кысаларында 3 В сыйныфында “Юлда йөрсәң, уяу бул!” темасына Дмитрий Юрьевич җитәкчелегендә сыйныф сәгате үткәрелде. Балаларны юл йөрү кагыйдәләренә өйрәтү – өлкәннәрнең: әти–әниләрнең, тәрбиячеләрнең һәм шулай ук ЮХИДИ хезмәткәрләренең төп бурычларыннан берсе булып тора. Шушы максаттан Арчаның 6 нчы номерлы мәктәбендә ЮХИДИ хезмәткәре Гарифуллин Рәдис Мансур улы белән очрашу булып узды. Бу чараның максаты - балаларга юлда хәвеф–хәтәрсез йөрү кагыйдәләрен төшендерү һәм балалар арасындагы имгәнүләрне кисәтү. Балалар чара барышында үз–үзләрен юлда ничек тотарга кирәклеге, бигрәк тә юлны ничек аркылы чыгарга кирәклеге турында аңлатып сөйләделәр. Инспектор белән әңгәмә барышында балалар үзләре дә юл йөрү кагыйдәләре турында сөйләделәр һәм барлык сорауларга да актив җавап бирделәр.