24 сентябрьдә 5 а сыйныфында юл йөрү кагыйдәләрен искә төшерү максатыннан "Яшел дөньяга юл буйлап!" дигән эчтәлекле чара узды. Чарада Арча районы юл хәрәкәте иминлеге дәүләт бюджет учреждениесе бүлекчәсе начальнигы Мөхәммәтҗанова Энҗе Газиз кызы катнашты. Биремнәр бик кызыклы һәм мавыктыргыч булды. Балалар конкурслар да бик теләп катнаштылар. Очрашу барышында Энҗе Газиз кызы укучыларга юлларда, җәяүлеләр кичүендә һәм җәмәгать транспортында үзеңне ничек дөрес тотарга кирәклеге турында сөйләде, балалар өчен автотранспортка куелган тоту җайланмалары һәм алардан куллану кирәклеге турында сөйләде. Сыйныф җитәкчесе Сабирова Гөлнар Әхкәм кызы кәрәзле телефоннарны куллану юл аркылы чыкканда ярамаганын билгеләп үтте.  юл йөрү кагыйдәләре төгәл үтәү, юлдагы куркынычны аңлау юл-транспорт һәлакәтен киметергә мөмкинлек бирәчәгенә ышаныч белдерде. Чара кызыклы һәм бай эчтәлекле булды. Балалар белән әңгәмәләр һәм викторина рәвешендә мондый профилактик чаралар  үткәрү юл хәрәкәте иминлеге турында мөмкин кадәр күбрәк күзаллау булдыруга  юнәлдерелгән.