Бүген 1 июнь — Халыкара балаларны яклау көне. Бу көнне дөньяның барлык почмакларында балалар өчен бәйрәм тантаналары, концертлар, төрле бәйгеләр оештырыла. Халыкара балаларны яклау көне 1950 елдан бирле билгеләп үтелә.

Белемсез, балаларга карата ихтирам күрсәтми һәм аларның хокукларын якламый торып цивилизацияле җәмгыять һәм аның киләчәге булмаячак. Бәхетсез балачак нәселдән килә һәм киресенчә, бәхетле балачак кичергән балалар яхшы ата-аналар булып, үз балаларын яхшылык, изгелек, шәфкатьлелек орлыклары салып тәрбиялиләр, диләр белгечләр. Менә шуңа күрә бүген нәни гражданинны үзенең шәхси язмышы, ватан язмышы өчен җаваплы шәхес итеп тәрбияләү мөһим бурыч булып тора.
Безнең яраткан нәниләребез! 1 июнь календарьда тамга булып кына калмасын, безне сабыйларның даими игътибар һәм кайгырту таләп итүе турында уйланырга мәҗбүр итсен иде. Җир йөзендәге бөтен яхшылыкны балаларга бирик. Бу безнең оныкларыбызга изгелек җимешләре булып кире әйләнеп кайтачак.

Балалар безнең якты киләчәгебез. Алардан башка тормышыбызның яме дә мәгънәсе дә булмас иде. Шуңа күрә, алар турында без һәрвакыт кайгыртырга тиеш. Дөньяның барлык почмакларыннан балаларның шат авазлары яңгырап торсын иде, йөзләрендә һәрвакыт самими елмаюлар чагылсын иде. Бәхетле балачак насыйп булсын сезгә!