Агач утырту изге һәм файдалы эш: тәрбияви яктан да, рухи һәм физик яктан да бу иң яхшы гамәлдер мөгаен. Шул җәһәттән яз-көз айларында районыбызда төрле акцияләр оештырыла. Быел да без мәктәп коллективы һәм укучылар белән агач утырту буенча өмәләрдә катнаштык

Нәни кошларга салкыннар түгел, ә ачлык куркыныч тудыра. Шуны истә тотып, һәр елны мәктәп укучылары һәм балалар бакчасы нәниләребез кошларга җимлекләр әзерли.
Быел да алар өйләрендә әти-әниләр ярдәме белән җимлекләр ясап, аларны өйләре янындагы агачларга элеп куйдылар. Балалар һәр көнне җимлекләргә миләш, көнбагыш, кабак орлыклары, ипи валчыклары салалар.

атарстан Республикасының Биологик ресурслар буенча дәүләт комитеты тарафыннан игълан ителгән акция кысаларында кыргый җәнлекләргә азык кую оештырылды. Әлеге игелекле гамәлдә безнең мәктәптә читтә калмады. 1 нче сыйныф укучысы Хафизова З. Каргалы урманында кыргый җәнлекләргә азык салды.
Хайваннарсыз урман ул – парк, диләр. Кыргый җәнлекләр дә урманнарсыз яши алмый. Алар бер-берсе белән бик тыгыз бәйләнгән. Шуның өчен дә табигатьне, үсемлекләрне, хайваннарны саклауның әһәмиятен балалар да кечкенәдән күреп үссеннәр дигән максат белән шушындый чаралар оештырыла.

Канатлы дусларыбызны онытмыйбыз, аларга көн саен җим биреп торабыз

Зурлар һәм мәктәпкә әзерлек төркеме балалары әвәләү эшчәнлегендә "Минем яраткан уенчыгым" темасына пластилиннан уенчыклар ясадылар. Кемнең нинди уенчык яратуы турында әңгәмә үткәрелде.

Пешәнгер башлангыч мәктәбе-балалар бакчасында Әтиләр көне уңаеннан "Әтием - минем горурлыгым" исемле тәрбияви әңгәмә үткәрелде. Укучылар ахырдан бер нәтиҗәгә килделәр, һәрберсенең дә әтиләре иң яхшысы. Әңгәмә төрле-төрле уеннар, сорауларга җавап белән үрелеп барды. Уккчылар берничә җөмлә белән генә әтиләре турында таныштырып киттеләр.

Кечкенәләр һәм уртанчылар группасы бүген ябыштыру шөгылендә киптерелгән көзге яфраклардан "Матур келәм" аппликациясе ясадылар

Бүген 2 нче сыйныф укучыларын "Карлыгач" балалар оешмасы сафларына кабул итү тантанасы булып узды. Балалар "Карлыгач" оешмасы турындагы белемнәрен күрсәттеләр. Алар башкарган матур җырлар һәм эчтәлекле шигырьләр чарага бәйрәм рухы өстәде. Укучыларга "Карлыгач" значоклары тагылганнан соң өлкән "Карлыгачлар", укытучылар аларны котладылар һәм изге теләкләрен җиткерделәр

Зурлар һәм мәктәпкә әзерлек төркеменең балалары ябыштыру шөгылендә "Вазада җиләк-җимеш" дигән темага аппликация ясадылар