Тәрбияче - бала - ата-ана. Менә шушы бәйләнешне истә тотып, Гаилә тәрбиясенең әһәмияте елдан-ел арта бара. Ул балага гаять зур йогынты ясый. Ә бакча үз чиратында аның уңай йогынтысын пдагогик яктан баетырга, максатчанрак итәргә һәм көчәйтергә тырыша. Бүгенге Гаилә бәйрәмебезне дә гаиләдә булган, әби-бабаларыбыздан сакланып килүче гореф-гадәтләрне, туган телебез - татар телен үстерү һәм саклау максатыннан  үткәрдек. Бишек җырлары җырладык, милли ашлар, кул эшләре, гаилә гореф-гадәтләре барланылды, туган телебездә җырлар җырладык, шигырьләр сөйләдек, матур милли биюләр биедек. 

Бүген бакчабызда бик матур, бик көтеп алынган бәйрәмебез - Яңа ел булып узды. Әлеге бәйрәм кечкенәдән безнең күңелләргә сихри бәйрәм булып кереп калган. Без дә балаларның күңеленә  бу бәйрәмнең сихри, тылсымлы булуып калуын теләдек. Шуңа күрә Яңа елга Кыш бабай, Кар кызы, Убырлы карчык, Йомран, Куян әбине чакырдык. Тылсымлымы...? Тылсымлы! Чыршыга багышлап шигырь сөйләгәч, чыршы уты кабыну сихриме..? Сихри! Кыш бабай өч каробка бүләк калдырып китү могҗизамы..? Могҗиза! Бергәләп җырлар җырладык, биедек, шигырьләр сөйләдек, бик күп бүләкләр биргәнгә дә балалар бик сөенделәр. Кыш бабай, Кар кызы, Куян әби, Йомран, Убырлы карчык булып киенеп кергән әти-әниләргә, әбиләргә зур рәхмәтләребезне белдерәбез. Яңа елда да бер-беребезне аңлап, ярдәмләшеп, дус-тату булып эшләргә, яшәргә язсын.

"Җәлил укулары" әдәби бәйгесенең муниципаль этабында 3 урын алган Гарипова Назгөлне чираттагы җиңүе белән котлыйбыз. Афәрин!!!