Әйдә, кояш, сип нурыңны,

Кызганма бер дә.

Зур бәйрәм, күңелле бәйрәм

Нәүрүз бүген бездә.

 Кояш, чык,чык, чык!

Майлы ботка бирермен.

Майлы ботка казанда,

Тәти кашык базарда.

Әти китте базарга,

Тәти кашык алырга.

Тәти кашык сабы алтын

Кирәкми безгә салкын.

 "Нәүрүз" сүзе фарсы-тажик телендә "Яңа көн" дигән мәгънәне аңлата.

 Борынгы бәйрәмне атна буе дәвам иткәннәр, hәр көннең үз гадәте, үз

тәртибе, язылмаган кануннары булган: 7 көн буена гайбәт сөйләмәгәннәр,

 каргыш теләмәгәннәр, туган-тумачага, күрше-күләмгә миhербанлык

кылганнар, ата-баба каберенә барганнар, сугышлар тукталып торган. Бу

көнне яшьлэр шәкертләр, балалар, өйдән өйгә кереп, бәет, шигырь әйткәннәр.

 Өйдәме, түтәй,

Тизрәк бир күкәй.

Безгә бирсәң өч күкәй,

Тавыгың салыр йөз күкәй.

 Нәүрүз мөбәрәк булсын! Дип теләк теләгәннәр.

Мин – сәяхәтче

Мин – болытта

Мин – томанда

Елга һәм океанда

Мин очам, мин йөгерәм

Һәм шунда ук юк булам.

Татарстанда "Милли мәдәниятләр һәм гореф-гадәтләр елы" уңаеннан әти-әниләр, дәү әниләребез белән үсеп килүче яшь буынга милли тәрбия бирү мәсьәләләре турында әңгәмә үткәрдек. Үткәреләсе, балаларга өйрәтәсе чаралар планы төзелде. 

Бүген бакчабызда "Әбиемнең серле сандыгы" исемле кичә булып узды. Хөрмәтле ветеран укытучы Хөсәенова Гөлнур Мансур кызы, ул безнең бакчада тәрбияләнүче Ясминәбезнең дәү әнисе дә әле,  балаларга борынгы сандыкның "серен" ачты. Сандыкта сакланган борынгы сөлгеләр, бизәнү әйберләре, кием-салымнар, басма китаплар, татар халкына хас гореф-гадәтләр белән таныштырда. Ә әниләребез гаиләдә сакланып килүче гореф-гадәтләр белән таныштырдылар. Күрсәтмә материаллар белән бай эчтәлекле, бик күңелле очрашу булды.  Катнашучы Гөлнур апага, әниләребезгә бик зур рәхмәт җиткерәбез.

Безнең бакчаның әзерлек төркеме балалары да ачык дәрестә катнаштылар.

Әй, гөлләрем, гөлкәйләрем,
Яратыр идем кочып,
Уйнар идем арагызда,
Күбәләк булып очып.