23нче гыйнварда “Казан арты” тарих-этнография музеенда Арча үзәк китапханәсе каршында эшләп килүче “Каурый каләм”иҗади берләшмәсенең “Шигъри тәлгәшләр”исемле китабын һәм “Гариф Ахунов исемендәге әдәбият премиясе лауреатлары” китабын тәкъдир итү кичәсе булды.      Кичәдә якташыбыз Рифат Җамал да катнашты.Ул,гадәттәгечә,үзенә генә хас оста юмор теле белән,яшьләргә тәрбия бирерлек чыгыш ясады.Татар теленә,сәнгатькә гашыйк яшьләрне күп проблемалар борчый.Иң беренчесе – балалар өчен язылган әсәрләрнең җитәрлек булмавы.Икенчесе – балаларның тәрбияви эчтәлекле татар халык әкиятләрен белмәүләре,китап укымаулары.Өченчесе – яшьләрнең авылда төпләнеп калырга теләмәүләре.     Кичә ахырында элекке укытучыбыз,хәзерге вакытта Бөтендөнья татар конгрессының чит ил татарлары белән хезмәттәшлек итү бүлегендә эшләүче Мәҗитова Гөлшат белән очраштык.Ул Носы мәктәбен җылы хисләр белән искә алды.