“Дәү әниемнең, Вәлиева Әлфия Бәшир кызының, Арча педучилищесында укыган еллары сугыштан соңгы авыр чорга туры килә. Апаз авылыннан Арчага кадәр җәяү йөрүләрен, язгы ташу суларын ерып чыгуларын тыңлагач, исем китә иде. Нинди батыр йөрәкле булганнар алар! Тырышканнар, белем алганнар.  Педучилищеда күренекле язучыларыбыз Мөхәммәт Мәһдиев һәм Гариф Ахунов белән бергә укыганнар. Дәү әни аларны бик еш  хөрмәт белән искә ала иде.” Бу юллар  - Романова Алиянең “Истәлекләрдә – язмышлар” исемле эшеннән. Ул шушы хезмәте белән “Гариф Ахунов: шәхес, иҗат, заман” дип исемләнгән төбәкара фәнни-гамәли конференциядә катнашты һәм уңышлы чыгыш ясады.