Безнең мәктәптә “Китапка икенче тормыш бүләк ит” дип аталган акция уза. Әлеге чара кысаларында һәркем үзендә булган яхшы хәлдәге кызыклы китаплар, дәреслекләрне мәктәп китапханәсенә тапшыра ала. Бу акция мәктәпләрне тулы күләмдә кызыклы әдәби әсәрләр, махсус белешмәләр, дәреслекләр белән тәэмин итү максатында уздырыла. Бүгенге көндә иң күп китап тапшыручы булып 8 класс укучылары санала. Әгәр өегездә яхшы хәлдә сакланган китаплар бар икән, аларны мәктәп китапханәләренә тапшыра аласыз. Китапханә аларны бик теләп кабул итәчәк, һәм башка укучы да әлеге китаплардан файдалана алачак.