Көз фасылының үзенә генә хас булган матурлыгын һәм гүзәллеген күрә белү, соклану хисләре тәрбияләү максатыннан башлангыч сыйныф укучылары белән 22 сентябрьдә табигатькә экскурсиягә чыктык. Табигатьнең сары киемгә төренгән бу мизгелен күзәтү күңелләргә рәхәтлек тә, рухи байлык та бирде. Укытучы апалары ярдәмендә балалар агачлар, кошлар турында белемнәрен ныгыттылар, аларны кадерләп сакларга кирәклеген төшенделәр. Балалар төрле-төрле яфраклардан букет та ясадылар. Алтын көзнең матурлыгына сокланып, табигать кочагында ял итеп, күңелле уеннар уйнадылар. Саф һава сулап, кошлар сайраганын тыңлап, көзге матурлыкны күңелләренә сеңдереп кайттылар. Табигатьтәге үзгәрешләрне карап, агач яфракларындагы сихри төсләрне күзәтеп башлангыч класс укучылары көзге экскурсиядән бик канәгать калдылар.