Лагерьда бер көн икенчесенә һич тә охшамаган. Маҗаралар – лагерь тормышының аерылгысыз бер өлеше. Шуны истә тотып бүгенге көн лагерьларда бик күптәннән яратып уйнала торган “Хәзинәне тап” уенына багышланды. Иртән иртүк лагерьга килү белән әзерлек башланды. Ике отряд ике төрле маршрут белән хәзинәне эзләп табарга тиеш. Һәр биремне үтәгән саен, төрле сюрприз-күчтәнәчләргә тап булдык. Хәзинәне “Дуслык”командасы эзләп тапты. Һәр команда тәмле күчтәнәчләр белән бүләкләнде.