15 нче гыйнвар көнне Носы төп мәктәбендә педагогик киңәшмә үткәрелде. Көн тәртибе түбәндәгечә:

А) Конкурентлыкка сәләтле укучы тәрбияләүдә фән укытучыларының роле.

Б) ФГОС шартларында мәктәпнең төп укыту программасына таләпләр.

В) II чирек йомгаклары һәм алда торган бурычлар.

     Беренче көн тәртибе буенча югары категорияле биология, химия укытучысы Мостафина Гөлүзә Бариевна чыгыш ясады. Ул укучыларны олимпиада, конференцияләргә әзерләү буенча эш тәҗрибәсе белән уртаклашты. Һәр предмет укытучысы чыгыш буенча үз фикерләрен җиткерделәр.

      Икенче көн тәртибе буенча  укыту-тәрбия эшләре буенча директор урынбасары Сафиуллина Гөлшат Камилевна чыгыш ясады. Гөлшат Камилевна укытучыларга   ФГОС буенча төп укыту программасына таләпләрне  аңлатты. Программа төзү буенча комиссиянең эше тыңланды.

Башлангыч класс укытучыларының чыгышы югары класста укытучыларда зур кызыксыну уятты.

    Мәктәп директоры Бәдертдинов Вәсим Хәмитович ФГОС буенча төп укыту программасын төзү өчен кирәкле булган норматив документларга күзәтү ясады.

   Өченче көн тәртибе буенча мәктәпнең эчке контроле справкалары белән таныштырылды. II чирек йомгаклары һәм алда торган бурычлар буенча класс җитәкчеләре дә чыгыш ясады. 9 нчы сыйныфта имтиханнарга әзерлекнең торышы буенча Абдуллин Раушан Ринатович, Садыкова Резеда Мингазовна, Мостафина Гөлүзә Бариевна, Төхфәтуллина Рәзинә Радиковна чыгыш

 ясадылар.

    Педагогик киңәшмә интеллектуаль уен белән тәмамланды.