Кошлар – табигатьнең күрке. Алардан башка тирә-ягыбыз җансыз булыр иде. Кошлар бик күп зарарлы бөҗәкләрне юк итәләр, сайраулары белән тормышыбызга ямь өстиләр. Әйе, яз җитү белән кошлар кайта, күктә, агач башларында яңадан тормыш башлана. Гаҗәеп матур күренеш бит ул кошларның туган якларына әйләнеп кайтуы. Шул ук вакытта кошлар безнең ярдәмгә дә мохтаҗ. 1 апрель – Халыкара кошлар көне уңаенннан без дә мәктәбебездә  “Канатлы дусларыбыз” дип аталган чара үткәрдек. Әңгәмә барышында балалар кошлар турында күбрәк белер өчен төрле биремнәрдә катнаштылар, табышмаклар чиштеләр, әкият һәм хикәя геройлары булган кошларны таныдылар.  Бәйрәм барышында баларларга канатлы дусларыбыз турында бик күп мәгьлүмат җиткерелде. Укучыларыбыз кошларның дуслары булырга, аларга ярдәм итәргә,сакларга кирәклегенә төшенделәр.