Сәрдәбаш башлангыч мәктәбе укучылары авыл клубында  “Гомер көзләрегез якты булсын!” исемле кичә уздырдылар. Өлкәннәрне котлап, җырладылар, биеделәр.”Өч ул” хикәясен сәхнәләштерделәр. Бәйрәмдә һәр укучы да катнашты. Берәү дә читтә калмады. Әби-бабайлар алар өчен горурланып, сөенеп утырдылар. Концерттан соң,табын артында чәй эчү оештырылды. Шунысы сөенечле:өлкәннәребез залны тутырып, күп булып килгәннәр.Табын артында төрле уеннар уйнап, күңелләрен күтәрделәр. Күңелле итеп уйный беләләр шул алар. Кара-каршы җырлар җырладылар.Әбиләр янында бабайлар да булгач, тагын да күңелле булды. Икенче елга да шулай очрашырга сүз куешып, чын күңелдән рәхмәтләрен әйтеп,таралдылар. Өлкәннәрне озаткач, өйләрендә ял итеп килгән балалар табын артына чәй эчәргә җыелдылар.   Менә шундый күркәм гадәтләрне күреп, тәрбияле булып үссеннәр иде алар.  Йөз тапкыр ишеткәнче, бер тапкыр күрүең яхшырак бит.