Мәктәбебездә туган тел һәм әдәбият атналыгы кысаларында “Яшь  хәбәрче” түгәрәгенә йөрүче укучыларның иҗади отчеты булып үтте. Түгәрәктә шөгыльләнүче укучылар үзләренең эшчәнлекләрен яктыртучы чыгыш ясадылар, “Күңелле тәнәфес” газетасы белән таныштырдылар. Сафина З. үзенең сугыш темасына иҗат ителгән шигырен тамашачыларга тәкъдим итте. Ул “Арча хәбәрләре” газетасы хәрби комиссариат белән берлектә үткәргән бәйгедә җиңү яулаган иде. Соңыннан ике командага бүленеп, туган телгә багышланган бәйгедә көч сынаштылар. Бәйгедә “Балачак” командасы җиңү яулады.