“Әлифба” бәйрәме – 1нче класс укучылары, аларның әти-әниләре, туганнары  өчен зур бәйрәм. Беренче класс укучыларының мәктәп бусагасын атлап кергән көннәре әле кичә генә булган кебек. Хәзер әлифба дәреслеге  белән хушлашыр көннәре дә җитте. “Әлифба” һәркем өчен бик кадерле китап булып күңелләрдә саклана. Укучылар бәйрәмдә “Азбука”, “Математика”алып килгән уеннарны уйнадылар, тапкырлыкта көч сынаштылар. Күңелле җырлар, матур шигырьләр белән бәйрәмнең үтеп китүе дә сизелмәде. Әти-әниләр дә балаларны котладылар. Укытучыларга һәм балаларга уңышлар теләделәр.