Тормышта һәрчак батырлыкка урын бар, тик аңа юл үзеңдә бурычлылык хисе, сәяси өлгергәнлек, җаваплылык, әхлакый тотрыклылык тәрбияләү аша үтә. В. А. Сухомлинский “Батырлык һәм тәвәккәллек – ул әхлаклылык һәм ихтыяр көче, алар һәр кешегә билгеле бер очракта гына түгел, ә көндәлек  тормышта, эштә дә кирәк”, – дип язган. Батырлык, тәвәккәллек, намуслылык, гаделлек кебек сыйфатлар ялкаулык, тәртипсезлек, таркаулык, ялган белән көрәштә дә барлыкка килә. Кешенең героик характеры үзендәге начар сыйфатларны җиңүдән башлана. Батыр, тәвәккәл булырга, бернәрсәдән дә куркып калмаска кирәк. Кыюлык ул – үзе зур батырлык.Февраль патриотик чараларга бай. Бүген 1 һәм 3 сыйныфларда «Кайнар йөрәк» проектына багышланган батырлык дәресе буенча тәрбия сәгате үтте.  Бу дәрестә укучылар “Кайнар йөрәк” нәрсәне аңлатуы турында фикер йөрттеләр. Моннан тыш,  күкрәк билгесе һәм күкрәк билгеләре белән бүләкләнгән балаларның, яшьләрнең тарихлары турында язылган «Кайнар йөрәк» китабы белән дә таныштылар. Әлеге балалар эшләгән батырлыклар турында видеосюжетлар, “Героями не рождаются”  дип аталган документаль фильм карадылар. Мондый дәресләрнең патриотик тәрбия бирүдә әһәмияте зур, алар тарихыбызны, халкыбызның батырлыгын онытмаска ярдәм итә.