Февраль ае – халкыбызга Җәлилне биргән ай. Шуңа күрә, февраль – Җәлил ае һәм җәлилчеләр ае. “Дөньяда шундый итеп яшәргә кирәк: үлгәннән соң да үлмәслек булсын, яшәүнең бөтен максаты да шунда түгелмени”,- дип язган була Муса Җәлил. Аның тормышы бу сүзләргә бик тә туры килә. Хәрби-патриотик айлык кысаларында, М.Җәлилнең тормышын һәм иҗатын өйрәнүне дәвам итү, язучы белән горурлану һәм кызыксыну хисләрен тәрбияләү максатыннан,  1һәм 3 класс укучылары белән «Муса Җәлил – балаларның якын дусты» дип исемләнгән кичә уздырылды. Кичә барышында укучылар М. Җәлилнең тормыш юлы һәм иҗаты турында белемнәрен искә төшерделәр, шагыйрьнең балалар өчен язган шигырьләрен укыдылар. Аудиоязмадан, артистлар башкаруында, шагыйрьнең шигырьләрен, җырларын тыңладылар. М. Җәлилнең тормыш юлы һәм иҗаты турында язылган газета-журнал материаллары белән таныштылар.