Бу көннәрдә язгы игелекле эшләр атналыгы бара. Ә 20 апрель  кеше тормышын саклаучылар- донорлар көне. Бу көн, беренче чиратта, донорларның үзләренә - бөтенләй таныш булмаган кешеләрнең сәламәтлекләре һәм гомерләре өчен үзләренең каннарын риясыз бирүче кешеләргә багышланган. Бу көн шулай ук донорлар канын алучы һәм аны тикшерүче медицина хезмәткәрләренә багышланган. Бәйрәмне үткәрергә сәбәп булып тарихта иң мөһим вакыйга - 1832 елның 20 апрелендә яшь петербург акушеры Андрей Вольфның каны киткән бала табучы хатынга кан җибәрүне беренче тапкыр уңышлы үткәрүе торган. Хатын-кызның гомере табибның дөрес эшләве һәм пациентканың иренең донорлар каны ярдәмендә коткарылган. Илебездә беренче уңышлы кан җибәрү истәлегенә 20 апрель Милли кан донорлары көне итеп игълан ителгән. Донорлар - алар игелекле, изге гамэл башкаручылар. Укучылар белән донорлар турында әңгәмә уздырылды. Балаларга донор төшенчәсенең мәгънәсен аңлатылды, ни өчен бу игелекле эшнең бик кирәк һәм файдалы булуы сөйләнде. Хастаханәләрдә кешеләр язмышының хәл ителгән вакытында донорлар иң беренче ярдәмчеләр булуы искәртелеп үтелде. Алар  кешегә икенче тапкыр гомер бүләк итүчеләр, олы йөрәкле, фикакарь кешеләр. Балалар бу көнне кеше гомерен саклауда табиблардан кала, гади кешеләрнең дә өлеше бар икәнен белделәр.