Бүген мәктәбебездә дулкынландыргыч вакыйга үтте.  Озак еллар мәктәбебездә белем һәм тәрбия биргән мөхтәрәм укытучыларыбыз  6 нчы сыйныф укучылары белән тәрбия сәгате үткәрделәр. Тәрбия сәгате экологик темага багышланды. Мәктәбебезнең  математика укытучысы Наилә Нигәмәтовна укучылар белән экологик темага мәсьәләләр чиште. Биология укытучысы Флера Нурмөхәммәтовна укучылар белән бергә табигатьне саклау буенча плакат ясады.  Рус теле укытучысы Әнисә Хәсәновна сүзен:  “В человеке всё должно быть прекрасно: и лицо, и одежда, и душа, и мысли,” – дигән канатлы сүзләр белән башлады. Ул укучылар белән матур язу минуты үткәрде. Укучылар өлкән укытучыларыбызга матур шигырьләр, җырлар бүләк иттеләр. Үзләре ясаган кул эшләрен бүләк иттеләр.  Өлкән укытучылар үзләренең истәлекләре белән уртаклаштылар.